Cursó estudios de Filoloxía Española na Universidá d'Uviéu. Foi miembru fundador, compositor y músicu del grupu musical "Los Berrones" y tuvo con ellos hasta l'añu 2005.

Nel añu 1998 espubliza una novela de rellatos titulada "Hestories piquiñines" con Ediciones Trabe. Collabora de manera habitual en delles publicaciones, revistes y prensa del Valle'l Nalón. Tamién lleva fechos una montonera de monólogos en llingua asturiana qu'él mesmu interpreta nel programa "La risión", de la TPA y n'actuaciones con Xareos!. Prepara la edición de los testos en volume propiu.

Tien planiao llanzase otra vegada a una nueva aventura nel mundu musical grabando un discu en solitariu, baxo el nome de "Stroza". Na actualidá, espera finar varios proyeutos lliterarios que tien entamaos dende hai un tiempu.