Númberu 3 de Formientu

Xareos! Xestión Cultural y la editorial "La Cruz de Grau" tán acabante roblar un alcuerdu pa la edición de la revista de lliteratura Formientu, qu'edita Xareos! dende l'añu 2006.

Col alcuerdu Xareos! quier ameyorar la calidá estética de la edición y la promoción de Formientu.

Nesti momentu Xareos! y La Cruz de Grau tán rematando los detalles últimos del númberu 4 de Formientu, que saldrá nes próximes selmanes.

Formientu “revista de lliteratura mui moza” ye una revista lliteraria que busca espublizar la obra de los autores más mozos de la lliteratura asturiana y dala a conocer.

Formientu ñació nel añu 2006 dirixida por Inaciu Galán y embaxo la edición de Xareos! y dende entós vien espublizándose con regularidá, axuntando a los escritores más mozos del panorama asturianu d’anguaño.