Llicenciáu en Ciencies de l’Actividá Física y del Deporte y estudiante de la llicenciatura n’Antropoloxía Social y Cultural y del postgráu n’Investigación y Educación pa la Enseñanza Superior, trabaya dacuando d’educador y collabora con dellos medios escritos y audiovisuales como La Nueva España, 20 Minutos y la RTPA, nos programes Al Aldu, Nomes d’Asturies y Paraísu Natural. En 2005 avanzó dalgo de la so poesía con El mio cachu tírolu, publicao n’internet y dos años depués asoleyaba con Berto García’l que fuere’l so primer proyectu poéticu, Treslallende. Anguaño prepara un volume de poesía completa y dellos ensayos sobre l’actividá física tradicional d’Asturies. Nesi mesmu ámbitu yá tien presentao una docena d’investigaciones en congresos y revistes científiques, collaboraciones en monografíes colectives de calter académicu y la obra Juegos tradicionales: del currículum a la clase publicada en Sevilla en 2005 y proyectada internacionalmente.

www.fotolog.com/tercerugue www.lletresnapapelera.com